為什麼用機械快門會較電子快門少果凍問題［ Q&A 57 ］

[@viccheung1985]

打埋字幕好有heart❤

[@FatloloBrian]

不過亦都因為咁所以會再慢啲, 希望未來上咗手可以快返啲

[@lawcecil8246]

旅行帶乜嘢鏡頭，發現台灣有很多人使用天涯，他們說不用麻煩，更重要是女友老婆可以放多幾件手送XD

[@micosmofourthirds]

Em1mk2 升上om1 mk2效果非常顯著，速度反應使用體驗上，都好值得升級，會影星空有星空af，有夜間顯示模式，新menu好用同舊menu，EVF升到5mp，好睇好多。
GH7主力for video，高解模式om都有，8千萬，如果會影星空高解模式好好用。
簡單啲講，主力影相就om1mk2，主力拍片就GH7，兩部我都有，深度使用。

[@seanho3095]

@@micosmofourthirds 機械快門在菲林時代已經有！究竟有無見過架？咩第幾個閘？ 搞笑！如果一閘閘咁開，菲林曝光會點？如果有10個咩閘，遂個開，咪即係減左10倍曝光時間！係咪搞笑架！

[@micosmofourthirds]

@ 我好耐無用機械人快門了，更加無玩過菲林相機，見諒🙏🏻

[@FatloloBrian]

@@micosmofourthirds 佢唔係話緊你，佢只係睇唔明我之前所寫嘅比喻啫，下次我畫埋用圖解應該大家會易明啲

[@micosmofourthirds]

@@FatloloBrian 我都有啲抓頭，不過都虛心學習

[@AdamTKP]

多謝兩位主持人解答 , 支持你們 ! :)

[@liuweixiong995]

好想知道究竟係邊個牌子叫你地唔好試
BTW 兩位其實幾似樣

[@sankai3763]

想問吓而家仲推唔推薦入手X-T5？
定還是買X-T50好？
定等吓下年會唔會再有新機出？
Budget $15000左右

[@jacobgerry]

我使用Sony A7 IV相機，在同一參數設定下，例如光圈f2.8，快門1/600，ISO400,當使用M mode去高速連拍時，buffer儲存張數比使用 S mode 時明顯多好多,請問原理是什麼？

[@tlng4550]

thank you 兩位

[@louisng5362]

2位主持好，影LED backdrop , 點樣消除摩爾紋，用梗canon r5 i,感謝！！

[@FatloloBrian]

我哋有錄咗但未出街。呢度簡單答咗你先吖。如果係摩爾紋嘅話，Stephen 主要係會開返大少少光圈等個背景blur返少少, 咁就冇咁易出現摩爾紋

[@Alvin.CK.F]

今日D光好次靚左🤣錯重點

[@seanho3095]

重係唔明想請教! read out time 假設 1/8000 秒 (電子快門最高速度), 機械快門如 1/60秒, 我理解即係全屏打開時間係1/60秒, 咁在呢1/60秒, 會點掃? 如果係電子快門1/60秒, 又會點掃? 8000/60=133.33, 即掃133次? 或者由第一pixel 到最尾一個pixel 用1/60秒? 會有分別, 定一樣? 理論上應該可以係一樣, 咁即係機械快門其實只係gimmick/ 騙局? 可有可無? 機械快門都會有 gello effect? 又或者, 用機械快門, 可以 full speed 全速去掃, 所以較少gello effect? 電子快門要計埋 cut off 時間, 資源負荷較大, 所以唔可全速, 所以較容易有gello? 咁隨著科技進步, 計算速度愈來愈快, 兩者分別差距愈來愈唔明顯, 咁機械快門會愈來愈無實際用途?

[@FatloloBrian]

簡單嚟講 Jello Effect 係源於感光元件上每一行實際曝光時刻嘅差異，呢個差易越大，Jello Effect 就越大越明顯。雖然機械快門同電子快門（ 非 Gobal Shutter 嘅 CMOS）都係捲閘快門，但機械快門由第一行捲到最尾一行嘅時間就短好多，所以出嚟 Jello Effect 就好唔明顯，但喺理論上並唔係完全冇。（註: 機械快門曝光時間係由前後簾起動時間去控制，同個快門簾閘得有幾快係冇直接關係）
至於你話隨著科技進步，機械快門係咪會愈來愈無實際用途。呢點我係認同嘅。例如 Nikon Z9、Z8 已經摔先拎走機械快門。全域快門嘅 A9 III 你用機械快門時其限制甚至比用電子快門更多。而 EOS R1 同 R5 II 亦講明佢電子快門捲閘嘅速度同機械快門相若，即係你用機械快門同電子快門係冇分別。
不過暫時呢一刻，似乎 Stacked CMOS 出嚟嘅影像質素仍未比得上非 Stacked CMOS，但我相信未來係可以解決，或者至少可以做到非常接近到可以當冇分別。

[@FatloloBrian]

（修改版，希望可以令大家更易明我講緊乜，不過唔明都唔緊要，我盡快拍一條有圖解嘅片）
今次唔打比喻直接講返快門。呢度指嘅機械快門係指緊貼於感光元件果種，而電子快門雖然就係感光元件本身，我呢度就先當佢係獨立於感光晶體存在嘅電子組件。
當一部無反有機械快門，佢就一定同時存在機械及電子兩組快門。傳統 CMOS 喺用電子快門時，點解要一行一行捲閘式咁排住去開始曝光？咁係因為佢一曝完光就要即刻讀出，冇能力暫存曝光得來嘅信息。但因為佢唔可能全畫面過千萬像素嘅信息同時讀入去處理系統，所以係要排住隊咁去讀入。呢一段讀過去處理系統嘅時間，就係我哋所講嘅 Read Out Time。因為 CMOS 入面每個感光晶體唔識儲存曝光量，所以一曝完光就一定要即時 Read Out，問題就嚟喇，過千萬個像素，讀唔切架喎！所以 CMOS 就採取咗 Rolling Shutter 嘅方式去解決讀唔切嘅問題。假設系統可以一次過讀晒一行像素擷取嘅信息，咁就要確定第二行喺讀完第一行之後先曝光完結，否則啲曝光嘅資料就會流失。所以當第一行開始曝光之後，第二行係要等一個間段（第一行 Read Out 所需嘅時間）先開始曝光，然後第三行又要等第二行……如此類推。咁就造成咗第一行去到最後一行起始曝光時間有個明顯嘅差距，所謂嘅 Rolling Shutter 就係咁解，而當拍攝郁動緊嘅畫面，由於每一行實際曝光嘅時刻並唔相同，就造成 Jello Effect。
至於機械快門，主要係由前簾同後簾組成，前簾負責開快門開始曝光，後簾負責閂快門停止曝光。前後簾都係向同一方向以相同速度行嘅，所以「快門速度」，即曝光時間就係由啟動前簾同啟動後簾之間嘅時間所決定。呢類機械快門其實都係由上開始開啟（前簾），開到去下方，然後由上方開啟關上（後簾），關到去下方。換句話講實際都係由上方像素開始曝光先，一般時間之後先到最下方果行像素，即係都係捲閘方式嘅快門。但機械唔似得電子快門咁，要等「上一行」做咗啲乜先再去下一行，所以快門簾可以移動得好快都冇問題，所以佢「捲閘」嘅速度係快過傳統 CMOS 好多，而要喺呢個「捲閘」得咁快嘅情況下，主體係要郁得超極快先會見到有明顯變形，但如果佢真係郁得快到咁，其實我哋基本上係冇乜可能就咁影到，要靠其他方法先可以捕捉到呢個畫面。所以大家一直都以為機械快門係唔會有 Jello Effect 嘅變形，其實並唔係，只係小到你唔覺。
上面可以睇到，Read Out Time 其實係對電子快門有好大影響（傳統 CMOS 計），但同機械快門就冇乜關係。至於當使用機械快門時後面電子係點運作，我呢度就唔多講，因為可能會令未太明嘅朋友變得更混亂。簡單嚟講就係當機械快門關上之後，粒 Sensor 再排排隊咁讀出係冇問題嘅，因為感光晶體喺果一段時間係唔會再接收到光而影響佢之前經機械快門得到嘅曝光 Data。
如果唔明歡迎可以再問，或者如果覺得我錯，請指出錯喺邊個位，大家一齊討論下。如發現真係我錯，我會再拍過條啱嘅講法嘅片同大家再講解。

[@shotoday]

Brian, 返嚟香港玩，兩個星期前竟然喺觀塘見到你，如果唔係有人阻住，會同你打個招呼😬

[@FatloloBrian]

都可以同我打招呼架~

[@shotoday]

@ 我唔想喺條街大叫Brian…下次😂

[@Annabellaerad]

gfx 個電子快門Jello effect真係十分明顯，超難用

[@tonychan6593]

網上見到英文的說明